Илмий мактабларимиз
Гулямов Саидаҳрор Саидаҳмедович
Иқтисод фанлари доктори, академик
Гулямов Саидаҳрор Саидаҳмедович 1947 йил 25 июнда Тошкент шаҳрида туғилган. 1964 йилда мактабни олтин медал билан тамомлаган. Иқтисодчи олим. 1969 йилда Тошкент халқ хўжалиги институтини тугатган. 1973 йили Г.В.Плеханов номидаги Россия иқтисодиёт университетида фан номзодлиги, ҳамда 1981 йили М.В. Ломоносов номидаги Москва давлат университетида иқтисод фанлари доктори илмий даражаларини олиш учун диссертацияларни ҳимоя қилган.
Абдуллаев Ёрқул
Иқтисод фанлари доктори, профессор. Ўзбекистонда хизмат кўрсатган фан арбоби. Олий таълим аълочиси.
Профессор Аюдуллаев Ёрқул “Статистика” йўналишида ўзининг илмий мактабини яратган етакчи иқтисодчи олим ҳисобланади. У 5 нафар фан доктори ва 17 нафар фан номзодини тайёрлаб, республикамизда илмий- педагогик кадрларни тайёрлашга ўзининг муносиб ҳиссасини қўшиб келмоқда.
Бегалов Баҳодир Абдусаломович
Иқтисод фанлари доктори, профессор
Б.А. Бегалов 1968 йилда Тошкент вилоятининг Бекобод шаҳрида туғилган. 1985 йилда ўрта мактабни олтин медаль билан тугатган.1992 йили Москва иқтисод-статистика институтини мувоффақиятли тугатган. 1996 йилда Москва молия-иқтисод институти кундузги аспирантурасини тугатиб, “Исследование и разработка алгоритмов и технологий компьютеризированной рекламы (на примере информационных продуктов и услуг)” мавзусида номзодлик диссертациясини ҳимоя қилган.
Ғайибназаров Баҳодир Каримович
Иқтисод фанлари доктори, профессор
Баҳодир Ғойибназаров 1971 йилда Фарғона вилоятида туғилган, маълумоти – олий, 1994 йилда Тошкент давлат иқтисодиёт университетини имтиёзли, 2013 йилда Ўзбекистон Республикаси Президенти ҳузуридаги Давлат бошқаруви академиясини муваффақиятли тамомлаган, мутахассислиги – иқтисодчи, давлат бошқаруви. Иқтисодиёт фанлари доктори, профессор.
Хайдаров Низамиддин Хамраевич
Иқтисод фанлари доктори, профессор
Хайдаров Низамиддин Хамраевич 1962 йилда туғилган. 1988 йилда Тошкент халқ хўжалиги институтининг “Молия ва кредит” мутахассислигини тамомлаган. 1993 йилда «Финансовое обеспечение инвестиционной деятельности предприятия» мавзусида номзодлик диссертациясини Санкт-Петербург Иқтисод ва молия университетида ҳимоя қилган.
Ҳабибуллаев Иброҳим Ҳабибуллаевич
Техника фанлари доктори, профессор.
Професор Иброҳим Ҳабибуллаевич Хабибуллаев “Ер ости сувлари ҳаракати” жараёнларини математик моделлаштириш ва “Иқтисодиётда математик статистик усуллар” йўналишидаги илмий мактаб яратган олим ҳисобланади. Ушбу мактабларда профессор И.Ҳ.Хабибуллаев 1та фан доктори, 4та фан номзодига илмий раҳбарлик қилиб илмий педагогик кадрлар тайёрлашга ўз ҳиссасини қўшиб келмоқда.
Атаниязов Балтабай
Иқтисод фанлари доктори, профессор
Атаниязов Балтабай 1948 йилда туғилган. 1970 йилда А.Навоий номидаги Самарқанд давлат университетининг механика-математика факультетини математика мутахассислиги бўйича тугатган. 1978 йилда собиқ СССР ФА Марказий иқтисод-математика институтида “Сувдан оқилона фойдаланиш муаммолари” мавзусида номзодлик диссертациясини, 1994 йилда Ўзбекистон Республикаси Фанлар академияси Кибернетика институтида “Экологик-иқтисод тизимларини бошқариш (Ўзбекистон суғориладиган деҳқончилиги мисолида)” ҳимоя қилган.
Абдуллаев Олимжон Мирзажонович
Иқтисод фанлари доктори, профессор.
Абдуллаев Олимжон Мирзажонович 1996-1998 йй ТДИУ факультет декани, 1998-2005 йй Тошкент Кимё технология институтида проректор бўлиб ишлаган. 2005 йилдан бошлаб Тошкент Давлат Иқтисодиёт Университетида Эконометрика кафедрасида профессор лавозимида ишлаб келмоқда. Иш жараёнида иқтисодий математик модел ва усуллар, социал-иқтисодий жараёнларини моделлаштириш ва прогнозлаштириш, хамда эконометрик асослари бўйича дарс бериб келмоқда. Автор томонидан 2 та иқтисод фан номзодларини таёрлаган, 10 та монография, 30 дан ортиқ дарслик ва ўқув қўлланмалар, 250 дан ортиқ мақолалар чоп этдирган.